Garv ka Rang

                                                               

Main us desh ki wasi hu jiske mukut ki roshni ka kaaran, roz ki golabari hai..

Suna hai Kashmir sundar hai,  chah kar bhi waha na ja pane ki anjani beeemari hai..

Sach kahun, to Darr lagta hai mujhe,  ek betuki goli se marne mein kya rakha hai..

Kashmir mein to naa jaane kaun paraya ,kaun saka hai

Har roz sirf kashmir nahin pure desh mein  naye sudharo (meaning reforms) ki list nikali jati hai

Reforms nikale bina shasak ki kursi kahan bhaati hai

Aur 5 saal mein wo reforms parliament ka chakkar laga aate hain

Khushi mein Ruling party ki prashansa ke pul baande jate hain

“  Waise Gazalo aur reforms mein kya samanta hai aaap jaante hain?”

dono mein hi har desh mahaan lagta hai..

Aaj jaan liya, Wadon ke binah par to ek khokhla shasak hi jee sakta hai

Lekin bade wade khokhle phal jaise hote hain, Ek din to wakt ke chaaku ki dhaar sach ugal hi degi..

Lekin kya us “sahi samay” ke intazar mein hmari janta bus baithi rahegi

Pta hai.. khokhla phal pada rahe to uska  rus bhi zeher ban jaata hai..

Wahi kal ka masoom sa phal, aas pass ke phalo par keher chaata hai..

Ek sacha  yuva shasak hi hai jo is saghan daud  se upar uthkar kuch karna chahta hai

Lekin humare desh mein  suljhe Yuvaon ko shasak kaun bnata hai

Aji shasak banna asan kahan..

Bhuk nango ko roti de do..

Aur Kuch khokhle wade..

Andar se chahe ho jao kapti

Lekin kapde pehno saadhe

Ek school mein khana batwa do

Ek kapti police commissioner hatwa do

Kehdo ki “hum udhaar layenge”

Aur 5 saal tak aapke tax mein nahayenge

Hmare desh ke loktantra ki betukhi to dekhiye

Jo vote karte hain wo jante nahin kise karna hai

Aur jo jante hai unki ray social gatherings ki discussion tak ruk jata hai

Akhbaron ke column, dinner discussions par tham jaaati hai

Jo vote  karte hain ,

Unhe chup karata hai 2 wakt ko khaana aur paisa

Gar aap vote nahin karenge

To shasak ko aap se darr kaisa

Vote karna adhikar nahin zimmedari hai

Isiliye corruption ek badhti beemari hai

Yahan baithe sab jan shayad 18 se upar hain

Aap mein se kitne log matdaan karne jaate hain

Aur kitne log, sirf us din ki chutti manate hain

Jawaab mujhe nai khud ko di jiye

Kai baatein khamoosh hi bayan ho jaati hai..

“Kuch na karna” aur “kuch na paana”  ek dusre ke bachpan ke saathi hai..