Mumbai Ke Driver Dada

raat ko jaagta to hai ye sheher

lekin is jagte se sheher ko hum ghumate hain

apni laal kaali gadhi ko daudane wale

hum  colaba ke driver dada kehlate hain

umr mein thode bade hai na

to sab sadkarke bulate hain

log Mumbai doston ya parivar ke saath dekhne aate hain

parivar to hmara gaon mein hainn

to apni gaadhi ke sang hi chappa chappa ghum aate hain

passenger baithte hain to “on hire” ko neeche ghumate hain

8 baras hogye humein Mumbai aye, aaj bhi roz  naye raste dhunde jaate hain

Mumbai angrezo ki khaas pasand hai

to unse batiyate, thodi si angrezi hum bhi seekh jaate hain

kabhi pati patni aise mod par baith jaate hain

ke unki ranjish ka kaaran kya hai, jaanne ko hi taras jaate hain

kabhi doston ka samooh aata hai to apne gaon ke dost yaad aate hain

Wo laaparwahi ke pal, aish ke kya din the yaad aate hain

kisi lambi sawari mein to humne pyaar panapte bhi dekha hai

business wale baboo log phone par hi lage reh jaate hain

hum kabhi sochte hain ke najaane kitna hi paisa kamate hain

ek baar ek behad khoobsurat ladki hamari gaadi mein aakar baithi

samajh nahi paye

ki unhe dekhe ya gaadi chalayein

zulfon ka kinara unke chehre par aata jaye

hawa aisi thi ki chaha kar bhi wo use peeche na kar paye

humne bhi socha , yahi mauka hai ke hum hero ban jayein..

sheeshe ke niyantran button ko  humne jaise hi dabaya

rear view mirror mein dekh kar, wo muskaye aur sharmaye

chaahe to hum apni kahani sunate jayein

aise hi kisso ko piro kar hmara din banta jaye